یار دئدیم سینه مده یارام قانادی
دیلیم لال اولدو ، قانیم چاغلادی
گؤزلریمده یاش دورمادی آغلادی
عذابلار ایچینده تنهایام ظالیم
یادیما دوشموسن بو آخشام یئنه
خیالیم دؤنوب دولانیر سنه
اصلینده نه اولوب بیلمیره م منه
حسرت اودونا یانیرام ظالیم
قلبیمده آیریلیغا دؤز دئییب
الویداع سؤیله دیم عادی سؤز بیلیب
سئوگی دونیام منی ویران ائدیب
سنین له سنسیز قالمیشام ظالیم
گؤزلریم یاشاردی، دیلیم توتولدو
محبت ساراییم چؤکدو، اوچولدو
آغلایان گؤزلرین قارشیمدا دوردو
یئنه ده سنه مؤحتاجام ظالیم
کوسکون م ، قلبیمی دویان یوخ هله
قلبی قلبیم له ووران یوخ هله
گئری دؤن آرادا هیجران یوخ هله
سنین له ویصالا قووشام ظالیم ...!
سلام عزیز قلمداش، اوغورلاراولسون! «من سنه مؤحتاجام» آدلی قوشمانیزی اوخودوم. اوندا اولان لیریک دویغو- دوشونجه گؤزل دیر. آنجاق بیر چوخ یئرده وزن سینیقلیغی و قافیه یانلیشلاری واردیر. من اونلارین بیر سیراسینا ایشاره ائدیرم:
وزن سینیقلیغی بو میصراعلاردا گؤزه ده ییر:
دیلیم لال اولدو،قانیم چاغلادی/خیالیم دؤنوب دولانیر یئنه/حسرت اودونا یانیرام ظالیم/سئوگی دونیام منی ویران ائدیب/سنین له سنسیز قالمیشام ظالیم/یئنه ده سنه مؤحتاجام ظالیم/قلبی قلبیم له ووران یوخ هله
قافیه یانلیشلاری: دئییب، بیلیب و ائدیب قافیه اولانماز. «ووردو» توتولدو و اوچولدو ایله قافیه اولا بیلمز. دویان و ووران ایکیسی قافیه اولانماز. اونلارین امر شکلی «دوی» و «وور» دور.گؤرورسونوز کی فرقلی دیرلر.
بیر ده بندلرین سون میصراعلاری بیر- بیری ایله هم قافیه دئییرلر: تنهایام/ یانیرام/ قالمیشام/ مؤحتاجام/ قووشام.
معنا باخیمیندا دا بیر سیرا یانلیش لار واردیر کی اؤزونوز دیققت ائله سز دویارسیز.میثال اوچون قلبی قلب له وورماق؟ و...
یئنه ده باشقا شعرلرینیزی گؤزله ییرم.و اومودوم وار بوندان دا گؤزل و گوجلو اثرلر یاراداسیز. ساغ قالین. شن یاشایین...
ماراق گوستردیگینیز اوچون ساغ اولون
بو شعر باکی گنج شاعیرلرینین بیریندن دیر . عرب الیفاسینا چئویرمیشم .
دویغولاردا ایسلانمیش یازیلارینیزی تحسین ائدیره م ... ساغ اولون
چوخ مینت دارام عزیز قلمداش
من بوشعرین حیسسین چوخ سئودیم.