سئوگی ایله یاشاییش ...
یئنی بیر اوره ک ایسته ییره م ...سئوگی ایله یاشاییش ...
یئنی بیر اوره ک ایسته ییره م ...سنی سئویره م ....
اولدوزلار ایدی سنین اوریین، بونا گؤره سمایا باخاردیم همیشه..
سببینی بیلمدیگیم بیر دینج‌لیک ایدی، گئجه‌لری آی ایشیغیندا اولدوزلاری ایزلمک، اورادا منی چکن بیر شئی واردی، سس‌سیز، سیررلی و ده معما‌لی..
رنگ‌لری آختاریردیم سمادا، ماوینی، قیرمیزینی، چهرایی‌داکی بوزو، قارایا محبوس یاشیل ، سونرا گؤزلرین گلیر آغلیما..
دایانیرام!.. بوغازیما بیر شئی‌لر دوگون‌لنیر..
سنه داییر مین‌لرله سؤز گلیر آغلیما، سونرا سئومه‌یه داییر دئییلمیش بوتون سؤزلری سؤیلمک، دونیایا قیشقیرماق ایستییره م، اما گولومسه ییره م یاواشجا..
بو نیه یارایا‌جاقدی کی؟
سئومه‌یه داییر یازیلمیش و دئییلمیش بوتون سؤزلری سؤیله‌سم ده ایچیم‌ده کی بوسه نی ایضاح ائده بیلمزدی کی اونلار...
یاشاماق لازیم ایدی سنی آنلاماق اوچون ، چونکی سن یالنیز معنا ایدین..
گئجه‌لری سمایا باخدیغیمدا، عاقلیما دوشن بیر معنا ایدین سن..
آنلاییب دا ایضاح ائده بیلمدیگیم بیر معنا، یان-یانا قویدوغومدا هر شئیی معنا‌سیزلاش‌دیران بیر معنا ایدین.
سن‌دن داها معنا‌لی‌سی واردیرمی گؤره‌سن..؟
داها ایستی بیر توخونوش..؟
داها ایستی بیر اؤپوش..؟
داها ایچدن بیر قوجاقلاما..؟
و سن‌دن داها درین باخا بیله‌جک بیر گؤز وار ایدی.. ؟
ایندی گئجه‌نین قوینوندایام، خیالینلا سئویشیرم، تک لیگیمده یاستیغیمی قوجاقلاییرام، اونونلا دردلشیرم هر گئجه...
آینا‌لاردا آختاریرام سنین توخوندوغون منی، آینا‌لاردا آختاریرام بدنیم‌ده کی ایزلرینی، آینا‌لاردا آختاریرام ایتیردیگیمی!
ایندی سنه دایر تک بیر شئی بیلیرم..
" یاستیغیم دا قوروتدوغوم گؤزیاشیم سان سن ..."
سلام
خسته نباشی
ای کاش معنی فارسیشم میزاشتین ما هم استفاده میکردیمو یکم زبان شیرین ترکی یاد میگرفتیم
یا علی
ممنون از نظرتون ...
متاسفم که معنی فارسی نوشته ها رو نمیتونم بذارم . چون هم برام وقت گیر میشه و هم اینکه چون متن ها احساسی و عاشقانه هستند شاید اون بار احساسی و معنایی رو تو ترجمه از دست بدن .